कविको कलम [ कविता ]

–  सुरज पन्त (कक्षा-१०)

कवि किन दिन्छौ कलम मलाई

जगत झुलाऊ कविता बनाई ।

छरिएर आए रसगण सारा

गजल कविता भए कति प्यारा ।

कलम समाती कविवर सोचे

कुशल कविता र गजल रचे ।

कविवर ज्ञानी रस र गणका

कविवर प्रिय सबका मनका ।

साहित्य सुधामा जगत झुलायो

सरस कहानी कविता बनायो ।

कवि तिम्रो सीप म पनि सिकेर

व्यक्त गरुँ भाव कविता लेखेर ।

कवि तिमी जस्तै म पनि बनुँला

सुधारको बाटो म पनि खनुँला ।

कलम कविको छन्द सिकाउने

कलम नै हो कि कवि बनाउने ।                                                                                  (   छन्द: शशिवदना )